Қарағанды қалалық «Қазыбек би» мешітіне дін жанашыры тарапынан LG маркалы теледидар уақып етілді.

Игі бастама мешіттің күнделікті қызметінде жамағатқа қолайлы жағдай жасауға бағытталған. Уақып еткен азаматтың мешіт игілігіне жасаған бұл қайырымды ісі жамағатқа үлкен көмек болды.

Мешіт имамы Асылхан Нұртайұлы игі іске атсалысқан дін жанашырына ризашылығын білдіріп, Алла Тағала жасаған қайырымдылығын қабыл етіп, сауабын еселеп жазуын тіледі.