Ақтоғай ауданының имамы Еркін Әуелбекұлы «Дін мен дәстүр» бағыты аясында дүниеге келген сәбиге азан шақырып, есімін қойды.

Игі шара барысында имам ислам дініндегі балаға көркем есім берудің маңыздылығына тоқталып, ата-бабамыздан жалғасып келе жатқан игі дәстүрдің рухани мәнін түсіндірді.

Сондай-ақ сәбидің құлағына азан шақырылып, есімі қойылғаннан кейін оның дені сау, ғұмыры ұзақ, иманды, тәрбиелі әрі елге пайдалы азамат болып өсуін тілеп, арнайы дұға жасалды.

Аталған шара – халқымыздың ұлттық салт-дәстүрі мен ислам құндылықтарының өзара сабақтастығын көрсететін өнегелі амалдардың бірі.