Қарағанды қалалық «Әл-Машани» мешітінде  «Олжас Есенұлы» атындағы қайырымдылық орталығының шәкірттеріне мәйітті жуындыру және кебіндеу тәртібі бойынша арнайы дәріс өткізілді.

Дәріс барысында шәкірттерге мұсылман адам дүниеден өткеннен кейін атқарылатын діни рәсімдер, мәйітті шариғат талаптарына сай жуындыру, кебіндеу тәртібі және жаназаға қатысты діни үкімдер кеңінен түсіндірілді.

Сонымен қатар, марқұмның денесіне құрметпен қарау, мәйітті арулап ақтық сапарға шығарып салу кезінде әдептілік пен жауапкершілікті сақтау, сондай-ақ бұл міндеттің ислам дініндегі маңыздылығы жөнінде тағылымды насихат айтылды.

Аталған дәріс шәкірттердің діни сауаттылығын арттыруға, жаназа рәсімдеріне қатысты білімдерін жетілдіруге және шариғат талаптарын дұрыс меңгеруіне бағытталды.