Center Image
IHSAN.KZ
ҚАРАҒАНДЫ ҚАЛАЛЫҚ «АР-РАХМАН» МЕШІТІНДЕ «ИСЛАМ ЖӘНЕ АДАЛ ҚОҒАМ» КІТАБЫ ТАНЫСТЫРЫЛДЫ
ҚАРАҒАНДЫ ҚАЛАЛЫҚ «АР-РАХМАН» МЕШІТІНДЕ «ИСЛАМ ЖӘНЕ АДАЛ ҚОҒАМ» КІТАБЫ ТАНЫСТЫРЫЛДЫ
Қарағанды қалалық «Ар-Рахман» мешітінде Қазақстан мұсылмандары діни басқармасының Төрағасы, Бас мүфти Наурызбай қажы Тағанұлы хазіреттің «Ислам және адал қоғам» атты еңбегіне арналған тағылымды кездесу ұйымдастырылды.

Жиын барысында мешіт имамы аталмыш кітаптың негізгі идеялары мен көтерілген мәселелеріне тоқталып, жамағатқа еңбектің мазмұнын кеңінен таныстырды. Әсіресе, мұсылман баласының бойында адалдық, әділдік, аманатқа беріктік пен жауапкершілік қасиеттерін қалыптастырудың маңыздылығы түсіндірілді.

Сонымен қатар қоғамдағы өзекті мәселелер, отбасындағы тәрбие, сауда-саттықтағы адалдық, еңбекке деген жауапкершілік және адамдар арасындағы өзара сенім тақырыптары қозғалды.

Басқосу барысында адал қоғам қалыптастыру әрбір адамның өзінен басталатыны, ізгілік пен әділеттілікті өмірлік ұстанымға айналдырудың маңызы ерекше екені айтылды.

Кездесу соңында жамағатқа кітапта қамтылған тағылымды тұжырымдарды терең зерделеп, айтылған өсиеттерді күнделікті өмірде жүзеге асырудың маңыздылығы насихатталды.

Мәзір
Сайт тілі
© 2009 – 2026 IHSAN.KZ | ҚМДБ Қарағанды облыстық «Әнет баба» мешіті Барлық құқықтар қорғалған. Ihsan.kz сайтында жарияланған кез келген материалды көшіру, тарату немесе басқа сайттарға орналастыру кезінде Ihsan.kz сайтына сілтемені міндетті түрде көрсетуді сұраймыз.

© 2025 Сайтты әзірлеген - abir.kz