Бұқар Жырау аудандық «Жыржыс қажы» мешітінің имамы Рүстем Мұратұлының ұйымдастыруымен дін мен дәстүр бағыты аясында жастар арасында қазақ күресінен сайыс өтті.

Аталған сайыстың негізгі мақсаты - қазақтың ұлттық спорт түрлерін дәріптеу, жастарды салауатты өмір салтына баулу, сондай-ақ рухани әрі тән саулығын қатар дамыту болды. Жарыс барысында қатысушылар өзара күш сынасып, шеберліктерін көрсетті.

Игі шара жастардың ұлттық құндылықтарға деген қызығушылығын арттырып, спорт пен руханиятты ұштастырған тағылымды бастама ретінде жоғары бағаланды.