Шет ауданына қарасты Ақадыр кенті «Иса молла» мешітінде ұстаз Әлия Рахманқызы әйел жамағатына арналған «Рамазан – адал қоғамды қалыптастыру айы» атты семинар өткізді.

Семинар барысында ұстаз Рамазан айының рухани мәні, оның адамгершілік қасиеттерді қалыптастырудағы рөлі және қоғамдағы адалдық пен ізгілікке үндейтін негізгі қағидалары туралы түсіндірді. Қатысушылар өз тәжірибелерімен бөлісіп, діни мерекенің күнделікті өмірдегі жауапкершілікті арттыруға қалай ықпал ететінін талқылады.

Шара соңында әйел жамағаты сұрақтарын қойып, алғыс білдірді, ал ұстаз Әлия Рахманқызы оларға ізгі амалдар мен адалдықты күнделікті өмірде сақтау туралы кеңестер берді.