Қарқаралы ауданына қарасты Нүркен ауылдық мешітінің имамы Қайыржан Тезекбайұлының ұйымдастыруымен қасиетті Ораза айт пен Ұлыстың ұлы күні – Наурыз мерекесінің құрметіне орай балалар арасында қазақтың ұлттық ойыны – көкпардан сайыс өтті.

Тағылымы мол шараның басты мақсаты – жас ұрпақтың бойына ұлттық құндылықтарды сіңіру, салт-дәстүрімізді дәріптеу және салауатты өмір салтын насихаттау болды. Сайыс барысында балалар белсенділік танытып, ептілік пен батылдықтың үлгісін көрсетті.

Жарыс қорытындысы бойынша үздік шыққан қатысушылар арнайы марапатталып, бағалы сыйлықтарға ие болды.