Қарағанды облысы, Теміртау орталық “Әлихан Бөкейхан” мешітінің наиб имамы Тоқтамысов Нұрмұханбет Махмутұлы жамағатқа  «Берекелі шаңырақ — адал қоғам негізі» атты насихат айтты.

Отбасы — қоғамның берік негізі, ұлттың рухани тұтастығы мен ұрпақ тәрбиесінің алтын діңгегі. Осы орайда шараның негізгі мақсаты — отбасы құндылықтарын насихаттау, ерлі-зайыптылар арасындағы өзара сыйластық пен жауапкершілікті арттыру, бала тәрбиесі мен ұрпақ амандығының маңызын түсіндіру.

Іс-шара барысында отбасындағы сүйіспеншілік, сабыр, кешірім, өзара құрмет пен жауапкершілік, сондай-ақ бала тәрбиесінің маңызы жөнінде тағылымды ойлар айтылып, жамағатқа пайдалы насихаттар берілді.