Абай ауданында Рухани келісім күніне орай ұйымдастырылған дөңгелек үстел отырысында Топар кентіндегі «Жұмабек Тәшен» мешітінің имамы Мұрсали Қаленұлы аудан әкімінің орынбасары атынан Алғыс хатпен марапатталды.

Жиын барысында имам Мұрсали Қаленұлы сөз сөйлеп, қатысушыларды Рухани келісім күнімен құттықтады. Сондай-ақ қоғамдағы бірлік пен татулықтың, дінаралық келісім мен өзара құрметтің маңыздылығын атап өтті.

Алғыс хат – имамның рухани келісімді нығайтуға және қоғамдағы татулықты дәріптеуге қосқан үлесіне көрсетілген құрмет.