Қарағанды қалалық «Міржақып Дулатұлы» мешітінде әйел-қыздар жамағатына арналған «Сен қымбатсың!» тақырыбында рухани басқосу ұйымдастырылды.

Іс-шара аясында әйелдер жамағатына арнайы дастархан жайылды. Кездесудің алғы сөзін мешіт имамы Мирас Ерланұлы сөйлеп, шараның мәні мен мақсатын түсіндірді.

Рухани басқосуға спикер ретінде Қарағанды облыстық «Әнет баба» мешітінің ұстазы Арай Серғалиқызы қатысып, әйел адамның қоғамдағы және отбасындағы орны, рухани құндылықтар мен өзін бағалаудың маңызы жөнінде насихат айтты. Сонымен қатар Құран оқылып, жиналған жамағатқа рухани әсер сыйлады.

Тағылымды кездесудің мақсаты – әйел-қыздар жамағатының рухани білімін арттыру, имандылықты нығайту және өз қадір-қасиетін бағалай білуге үндеп, ізгілікке шақыру.