Бала күнімде мен әр нәрсеге қызығатынмын. Әлемді тануға ұмтылдым. Әжеммен шіркеуге баратынмын. Ол жерде де әрбір картинаға қарап, неге барлық періштелердің, жалпы ізгіліктің ақ, ал барлық жаманның неге қара екеніне таңқалатынмын. Егер сен жаман адам болсаң, қара тізімге енгенің. Тіпті шайтанның өзі қызыл-күрең түсті.

Мен бұның бұлай еместігін айттым.  Еуропалықтар біздің дінімізді ұрлап, санамызды улап, бізге өздерінің есімдерін берген.

Алтын медальды жеңіп алғаннан кейін ақтарды орнына қоямын деп ойладым. Қара нәсілді адамдар кіре алмайтын «Downtown» мейрамханасына келдім. Алтын медальды олимпиада чемпионы бола тұрып, осы мейрамханаға келіп кедей емес екенімді айтып, тамаққа тапсырыс бермек болдым. Бірақ мені бәрібір қуып жіберді. Мен Американың намысын қорғайды екенмін, бірақ неге  мейрамханасында түстене алмаймын? Маған бұл өте ауыр тиді. Өкпеледім. Жағалауға келіп медальды лақтырып жібердім.

Мен Мұхаммед Пайғамбар  (ﷺ) туралы және Исламда нәсілшілдік жоқ деп естіген болатынмын. Осы сөз есіме түсіп, ренжіген күйі мешітке келіп, аяқ киімімді шешіп, құлшылық уақытын күтіп отырғандар жаққа өттім. Оларға сырттан көз тастадым. Ақ нәсілділер мен қара нәсілділер аралас-құралас отырып, бір-бірімен емін-еркін әңгімелесіп, бірге күліп, бірге құлшылық етіп жатыр. Ақ нәсілді бір адамның қара нәсілді біреуді құшақтап жатқанын көзім шалды. Бұл ашық күні түскен найзағайдың әсеріндей еді. Жылауға шақ қалдым. Мен оларға қарап тұрғанымда мешіттің имамы келіп, амандасып, мені бірінші рет көріп тұрғанын айтты. Мен мұсылман болғым келетінін жеткіздім. Намаз аяқталғаннан кейін ол мені шақырып алып: «Алладан басқа Тәңір жоқ және Мұхаммед оның құлы әрі елшісі екеніне куәлік етесің бе?», – деді. Мен де куәлік еттім, бәрі «Аллаһу әкбар» деп айғайлап жатты. Осы жерде өз-өзімді ұстай алмай, жылап жібердім. Тіпті имам мен мешіттегілердің өзі көз жасына ерік берді. Чемпион болған кезімнің өзінде де келмеген жас, мұсылман болғанымда ағып сала берді. Осылайша мен есімімді мұсылманшалап, Мұхаммед Әли атандым. Мен боксерлығымнан гөрі, мұсылман екенімді мақтан тұтамын.