Пайғамбарымыз ( с.ғ.с.):
         «Ең жақсы үй жетімге дұрыс қарағандар. Ал, ең жаман үй – оларды ренжіткендер» – дейді.

         Ал, Аллаһ тағала Құран Кәрімде:

         «Жетімді қорлама!» (Дуһа сүресі, 9-аят) - деп қатаң ескерткен.

         Хазреті Пайғамбар ( с.ғ.с.) сахабаларынан:
         «Бүгін кім жетімнің басынан сипады? Аурудың көңілін сұрап бардыңдар ма? Жаназаға қатыстыңдар ма?» - деп үнемі сұрайтын.
         Тағы бір хадисінде:

         «Мен және жетімнің қамқоршысы жәннатта осылай жақын болады»- деп ортаңғы және сұқ саусақтарын біріктіріп көрсеткен.
         Бір күні пайғамбарымызға ( с.ғ.с.) сахабалары келіп, ешкімге мейірі жоқ қатал адамның жүрегін қалай жібіту керектігі жайлы сұрайды. Сонда Аллаһ елшісі ( с.ғ.с.): «Жетім-жесірлерге қарайласып, пақырларды тойғызсын!» - деп өсиет айтады.

         Демек, жетімнің басын сипау арқылы адам кемелдене түседі.

         Пайғамбарымыздың ( с.ғ.с.) өзі 6 жасында анасынан айырылып, тұл жетім болып қалған еді. Әкесі Абдулла ол дүние есігін ашпай жатып-ақ, қаза тапқанын жақсы білесіздер. Аллаһ тағала сүйікті құлына пайғамбарлық дәреже беріп, бұл дүниеде және ақиретте мәртебесін көтеріп қойды.

Ақын Мехмед Аслан жетімдер жайлы былай дейді:
                                   Аллаһ – жетімнің иесі,
                            Ренжітсең тиеді киесі.

Қарқаралы ауданы «Құнанбай қажы» мешітінің Бас имамы Асқар Мейрамбекұл