Center Image
IHSAN.KZ
Тақуалық мұсылманның қорғаны
Тақуалық  мұсылманның қорғаны

Алла жәйдан жәй сізді сізді мұсылман етпеді. Алла сізді көпшіліктен таңдап мұсылман етті. Оның хикметі сіздің қасиеттеріңізге байланысты адамдардың арасында Пайғамбарымыздың (саллалаху әлейхи уассалям) дінін жеткізу. Бұл жәйдан жәй кездейсоқтық па? Әрине жоқ! Сізді Алла асыл дінді жеткізе алады деп есептегеннен. Бірақ та біз қазір соны лайықты түрде дәріптеп, жеткізіп жүрміз бе? Не себепті бұрынғы саңлақ сахабалар іспетті дінді тек сөзбен емес іс-әрекетімен, құлшылығымен, мінез-құлқымен, нәпсіні тыя алумен ұстана алмай жүрміз? Оның басты себебі жүректе. Иә, жүректе! Пайғамбарымыз (саллалаху әлейхи уассалям) айтқандай: " Адамда бір кесек ет бар, егер ол кесек жақсы болса, адамның бүкіл тәні де сондай, егер жаман болса, бүкіл тәні де сондай. Ол-жүрек. (Бұхари, Мүслім). Осы жүректі қарайтатын бірден-бір нәрсе- көз зинасы. Пайғамбарымыз (саллалаху әлейхи уассалям) :" зинаға жақындамаңдар! Расында ол бір азғындық және жаман жол". Жасамақ түгілі оған апарар жолға жақындамаңдар деп бізге айтылып тұр. Осы көз зинасынан сақтанудың және де көз зинасына түспеудің бірден бір жолы әйел адамға байланысты. Пайғамбар (саллалаху әлейхи уассалям) : "Мен өзімнен кейін әйелден артық фитна қалдырған емеспін". (Бұхари, Мүслим). Жоқ, бұл жерде барлық бүлік толықтай әйелге байланысты деп айтып жатқан жоқпыз. Тек әйел адамның қаншалықты өзінің арын, ұятын сақтауға жауапкершілігі жоғары екені түсіндіргіміз келіп тұр. Әсіресе қазір әлеуметтік желі дамыған шақта, әйел адамдар өздерін әдемілеп бояп, солай өздерін суретке түсіріп немесе видеоларға әртүрлі қылықтарымен майысып, билеп, өздерін сүйкімді, тартымды етіп көрсеткісі келіп жариялайды. Иә, көпшіліктің алдына өздерін жариялайды, жарнамалайды. Қасиетті кітабымыз Құран Кәрімде: (Уа, Мұхаммед!) Мүмін ер кісілерге айт: Харамға көз салмасын(яғни, бөтен әйелдерге және өзге ер кісілердің әуреті сынды қарауға болмайтын нәрселерге қарамасын)! Сондай-ақ ұятты жерлерін зинадан сақтасын! Сол оларға әлдеқайда лайықты. Шүбәсіз, Алла олардың не істеп, не қойып жүргенінен толық хабардар."Мүмін әйелдерге де айт: Харамға көз салмасын! әрі ұятты жерлерін зинадан сақтасын! Сондай-ақ еріксіз көрінетін жерлерінен тыс, әшекейлері мен сымбат- көріктерін көрсетпесін күйеулері, әкелері( сондай-ақ аталары, әкелері мен аналарының бауырлары), қайың аталары, өз ұлдары, өгей ( әрі сүт) ұлдары, (сондай-ақ өзіңіз,өгей,сүт немерелері), (өзіңіз,өгей, сүт бауырлары), бауырларның ұлдары, әпке-сіңлілерінің ұлдары, арлы мұсылман әйелдер немесе қызметші, яки жақсы араласатын әйелдері, қоластындағы күңдері ( қартайып немесе басқа себептермен еркектік қабілетінен айырылған еркек қызметшілері мен құлдары және әйелдіктің һәм әйел әуретінің не екенін әлі түсіне қоймаған  жас балалардан өзгелерге көрсетуші болмасын. Жасырын әшекейлері мен сымбат-көріктеріне бөтен ер кісілердің назарын аударатын және олардың құмарын оятатын әрекеттерге бармасын. Уа, мүміндер, ( күнәларың үшін өкініш білдіріп) бәрің бірауыздан Аллаға тәубе етіңдер. Сонда ғана ( азаптан құтылып) мақсат- мұраттарына жетесіңдер».( Нұр сүресі,30-31 аят.) Бүгінгі ұл ертеңгі әке бүгінгі бүлдіршің қыз  ертеңгі ақ жаулықтты  ана сондықтан айтылған әгімелер бала  тәрбиелеп отырған ата-аналарға  тікелей байланысты әрі жауап кершілігінде. «Ұядан не көрсе ұшқанда  соны  іледі деп» дана халқымыз  тегін айтпаған. Алла баршамызды  тура жолынан  айырмасын!.

 

Әл Машани мешітінің  найб имамы       Жасұлан


Мәзір
Сайт тілі
© 2009 – 2025 IHSAN.KZ | ҚМДБ Қарағанды облыстық «Әнет баба» мешіті Барлық құқықтар қорғалған. Ihsan.kz сайтында жарияланған кез келген материалды көшіру, тарату немесе басқа сайттарға орналастыру кезінде Ihsan.kz сайтына сілтемені міндетті түрде көрсетуді сұраймыз.

© 2025 Сайтты әзірлеген - abir.kz