Қарағанды облыстық "Әнет баба" мешітінде дәстүрлі уағыз дастарханында " Қош келдің, Мәуліт айы!" тақырыбында жамағатқа насихат айтылды. Адамзаттың осы асылы Мұхаммед ﷺ  Пайғамбарымыздың дүниеге келген мәуліт мерекесінде оған ﷺ деген сүйіспеншілік артады. Ал, Алла Тағала Құранда:

‎ النَّبِي أَوْلَى بِالْمُؤمِنِينَ مِنْ أَنْفُسِهِمْ...

«Пайғамбар, мүміндерге өздерінен артық»,[2] – деп, Пайғамбарды ﷺ  өзімізден де артық жақсы көру керектігін білдірді.

Берекелі басқосуда Қарағанды облыстық “Әнет баба” мешітінің ұстазы  Данияр Кемербаев Алла елшісінің (оған Алланың игілігі мен сәлемі болсын) өнегелі өмір тарихы жайлы кеңінен қамтыды. Сондай-ақ сүннеттің салтымызбен, хадистің ғұрпымызбен сабақтастығы, салауат айтудың сан қырлы сатылары насихатқа өзек болды.  Діни мерекелер күнтізбесіне сәйкес, пайғамбардың туған күні биыл 14-15 қыркүйекпен тұспа-тұс келді.