Қарағанды қалалық “Қазыбек би” мешітінде “Ұстазға” құрмет тақырыбында насихат айтылды.

Абай Құнанбайұлы: «Ұстаздық еткен жалықпас, үйретуден балаға», – деп айтқанындай, ұстаздық ету – үлкен қайрат пен жігерді, ұстамдылық пен сабырлықты қажет ететін мамандық. Шәкірттің ұстазға деген махаббаты – оны құрметтеуі, қызметінде болуы, берген тапсырмаларын орындауы, оның алдында дауыс көтеріп сөйлемеуі сияқты істерден білінеді. 

Рухани отырыс барысында мешіт наиб имамы ұстаздық қызметтің мәртебесіне тоқталды. Сонымен қатар, “Ұстазға құрмет- шәкіртке міндет” деген қазақ нақылын тереңінен түсіндірді.