«Рухани келісім күні» мерекесін атап өту аясында Қарағанды қаласындағы «Достық үйінде» Қарағанды облысы әкімінің орынбасары Әлібек Үсенұлы Әлденейдің қатысуымен салтанатты іс-шара өтті.

Жиынға Қарағанды облыстық мәслихатының депутаты Рысқали Абдикеров, Қарағанды экономикалық университетінің ректоры Еркара Аймагамбетов, облыс дін ұйымдарының өкілдері, қоғамдық ұйымдар мен жастар қатысты.

Отырыс барысында облыс әкімінің орынбасары діни бірлестіктер клубының мүшелерін, жоғары оқу орындары арасында өткен облыстық дебат турнирінің жеңімпаздарын және теологтарды алғыс хаттармен марапаттады.

Рухани салтанатты жиында Қарағанды қалалық «Төлеутай ата» мешітінің имамы Рауан Төлеубекұлы арнайы қатысып, Қарағанды облысы әкімінің орынбасарының алғыс хатымен марапатталды.

Бағдарлама діни бірлестіктердің шығармашылық ұжымдарының концерттік нөмірлерімен жалғасты.

ҚМДБ - Қарағанды облысы бойынша баспасөз қызметі