Қарағанды облыстық «Qamqor Sharapat» салттық қызмет көрсету орталығының директоры Бақдәулет Қыдырбайұлы Әбілдаевтың елеулі еңбегі ескеріліп, ҚМДБ төрағасы, Бас мүфти Наурызбай қажы Тағанұлы «Мүфтият үздігі -2024» жобасы аясында «Үздік Qamqor Sharapat орталығы» аталымымен марапаттады.  

Қарағанды облысы бойынша «Qamqor Sharapat» салттық қызмет көрсету орталығының директоры Бақдәулет Қыдырбайұлының ұйымдастыруымен өңірдегі зираттар бірізділік жолмен рәсімделіп, қоршалып, цифрлық жүйеге көшіп жатыр. Биыл 148 гектар зират тазартылып, 7 гектар зират қоршалып, 20 гектар зиратқа цифрландыру жұмыстары атқарылды.

Аймағымызда барлық діни жоралғылар мүфтияттың пәтуасына орай орындалып және халыққа түсіндіру жұмыстары жүргізілді, сондай-ақ түрлі іс-шаралар өткізілді.

Бақдәулет Әбілдаев 1997 жылдан бастап, Қызылорда, Алматы, Қарағанды облыстарының мешіттерінде , діни салада абыройлы қызмет атқарып келеді.

Бақдәулет Қыдырбайұлы, марапатыңыз құтты болсын! Еңбегіңізге жеміс, отбасыңызға береке тілейміз! Дініміз өркендеп, қарыштап дами берсін!

ҚМДБ – Қарағанды облысы бойынша баспасөз қызметі