Қарағанды облысының бас имамы Естай Әбдіғали жұмыс сапарымен Приозерск қаласына барып, қалалық мешіттің қызметіне бақылау жүргізіп, басқару жұмыстарын ұйымдастырды.

Сапар барысында бас имам мешіт қызметкерлерімен кездесіп, жұмыс үдерісін жетілдіру және ұйымдастыру сапасын арттыру мәселелерін талқылады. Жамағатпен жүздесу барысында тұрғындардың сұрақтары тыңдалып, олардың діни сауаттылығын арттыруға қатысты ұсыныстар айтылды. Сонымен қатар, мешіттің жергілікті қоғамдағы рөлін нығайтуға бағытталған жоспарлар талқыланды.

Бұл сапар Приозерск қалалық мешітінің жұмысын жақсартуға, жамағатпен тығыз қарым-қатынасты дамытуға және өңірдегі рухани тұрақтылықты қамтамасыз етуге бағытталған маңызды қадам болды.