Қарағанды облысының Бас имамы Әбдіғали Естай Айтуғанұлының тапсырмасымен Шахтинск қалалық «Нұр» мешітінің имамы Мәулен Әбілхайыр Кәсенұлының ұйымдастыруымен ақсақалдар арасында «Ақ бата» бата беру сайысы өткізілді.

Байқау екі кезеңге бөлінді. Бірінші кезеңде «Дін мен дәстүр» бағыты бойынша билет таңдау арқылы сұрақтарға жауап берсе, екінші кезеңде «Бата беру түрлері» бойынша. Байқау төрелігін мешіт имамдары жүргізді. Сайысқа Шахтинск қаласы мен Шахан кентінің ақсақалдары қатысты. Облыстық іріктеу сайысына Жетпіспайұлы Дәуіт ақсақал жолдама алып, арнайы сый-сыяпақа ие болды. Сонымен қатар қалған қатысушыларға да алғыс хат табысталып, естелік сыйлықтар берілді.

ҚМДБ Қарағанды облысы бойынпша өкілдігінің баспасөз қызметі