Абай аудандық орталық мешітінің ұстазы Арай Серғалиқызының ұйымдастыруымен қызға қырық үйден тиым салатын «Әжелер мектебін» жаңғырту мақсатында ақ жаулықты әжелерге арналған дөңгелек үстел болып өтті.

Жиында арнайы алғы сөзді алған мешіт ұстазы әжелердің қоғамдағы, қазақ отбасындағы мәртебесі жөнінде сөз қозғап,  әжелер институтының орны айрықша екендігін тілге тиек етті.

«Өнегелі ұрпақ тәрбиесі мен қоғам жастарына насихат айтып, қазыналы қария сөзімен елді ауызбіршілік пен тұтастыққа тәрбиелейтін әжелер мектебі ізгі қоғамның игі бастамасы болары сөзсіз», - деп, бір ауыздан қолдау танытты ақ жаулықты әжелер қауымы.

Рухани отырыста берекелі дастархан жайылып, Құран хатым дұғасы жасалды.

ҚМДБ-ның Қарағанды облысы бойынша баспасөз қызметі