Абай аудандық орталық мешітінде әйелдер жамағатына арналған  құраннан діни сауат ашу дәрістері басталды.

Дәрісті мешіт ұстазы Арай Серғалиқызы жүргізіп, шәкірттерге  «Құран оқып үйренудің артықшылығы» жөнінде уағыз-насихат айтты.

Насихат барысында мешіт ұстазы жиналған жамағатқа: «Пайғамбарымыз Мұхаммед (с.ғ.с.):«Сендердің ең жақсыларың  – Құранды үйреніп оны үйреткендерің»,  – деп өсиет қалдырған.

«Сол үшін сіздер мен біздердің ниетіміз Алла разылығы үшін Құран үйрену болатын болса, баршамыз ең жақсы адамдар қатарына қосылатынымыз сөзсіз" - деп құран оқудың артықшылығын түсіндірді.

Алдағы уақытта әр түрлі жастағы шәкірттерге Құран пәнінен бөлек, фиқһ, ақида, әдеп, ислам тарихы, тажуид сынды пәндер бойынша дәрістер жүргізілмек.

ҚМДБ-ның Қарағанды облысы өкілдігінің баспасөз қызметі