Қарағанды облысының орталық «Әнет баба» мешітінде ҚМДБ бекіткен «Дін мен дәстүр» бағыты негізінде әйел-қыздар жамағатына дәстүрлі құндылықтар насихатталды.

«Әнет баба» мешітінде ҚМДБ бекіткен «Дін мен дәстүр» тұжырымдамасы аясында рухани жиын өтті. Онда әйел-қыздар жамағатына дәстүрлі құндылықтар дәріптеліп, қасиетті Құран хатым дұғасы оқылды.

Жамағат көкейіндегі сұрақтарына тұшымды жауап алып, имандылық пен ұлттық салт-дәстүрдің өзара сабақтастығы жайында тағылымды ой түйді. Рухани отырыс көпшіліктің көңілінен шығып, жүректерге ізгілік пен береке ұялатты.

ҚМДБ Қарағанды облысы өкілдігінің баспасөз қызметі