Қарағанды қалалық «Төлеутай ата» мешітінде қасиетті Рамазан айының рухын сезіндіретін ауызашар дастарханы ұйымдастырылды. Игі іс-шараға жамағат, ардагер ағалар мен мешіт шәкірттері қатысты.

Ауызашар алдында мешіт имамы Рауан Төлеубекұлы Рамазан айының қасиеті мен ауызашардың сауабы туралы тағылымды насихат айтты. Құран оқылып, ауызашар дұғасы жасалды.

Жамағат берекелі дастархан басында бауырмалдық пен мейірімділік рухын сезініп, рухани ләззатқа бөленді. Мешіт ұжымы мен демеушілерге жиналған қауым өз ризашылықтарын білдірді.

ҚМДБ Қарағанды облысы өкілдігінің баспасөз қызметі