Қасиетті Қадір түнінде Бұқар жырау ауданы Үштөбе ауылдық «Қажыбай қажы» мешітінде рухани бағыттағы іс-шаралар ұйымдастырылып, жамағатқа ерекше көңіл бөлінді.

Мешіт ұжымы тарапынан жамағат пен ақсақалдар қауымына викториналық сұрақтар қойылып, дұрыс жауап бергендерге арнайы сыйлықтар табысталды. Бұл бастама жамағаттың діни білімін арттырумен қатар, Қадір түнінің қадір-қасиетін тереңірек түсінуге ықпал етті.

Сондай-ақ мешітке жиі қатысатын, таң және құптан намаздарын қалдырмайтын ақсақалдар ерекше құрметке ие болды. Оларға арнайы сыйлықтар ұсынылып, жамағат алдында алғыс білдірілді.

Ақсақалдар қауымы көрсетілген ілтипатқа ризашылық білдіріп, ел амандығы мен береке-бірлікке арнап дұға жасады.

«Қажыбай қажы» мешітінің осындай игі бастамалары жамағат арасындағы ауызбіршілік пен рухани ынтымақты күшейтіп, Рамазан айының қадір-қасиетін арттыра түсті.

ҚМДБ Қарағанды облысы өкілдігінің баспасөз қызметі