«Ас адамның арқауы» деген сөз қазаққа әбден таныс. Адам тіршілігінің көзі, өмірінің жалғастырушысы, ал кейде өмірін тоқтатушы ажал көзі де осы ас. Дүниежүзілік денсаулық сақтау ұйымының мәліметіне қарағанда, 65 жасқа дейінгі өлім- жітімнің ½-і дұрыс тамақтанбаудан туындаған аурулармен байланысты. Ұзақ өмір сүру үшін, сондай-ақ жас ұрпақтың дұрыс дамып, өсуі үшін тиімді тамақтанудың және азық - түлікті зиянды контаминанттардан қорғаудың маңызы ерекше.

Еліміздіің 70 пайызын құрайтын мұсылмандар өздерінің жейтін асының халал болғанын қалайды. Неліктен? Себебі малды зорлықпен немесе бір нәрсемен ұру арқылы не тоқпен  өлтіретін болса, оның бойында адреналин мен стресс гармоны ұйып қалады да, оның етін жеген адамға сол микробтар таралып, адам қатігездікке, мейірімсіздіке, күнәні елемеуге бейім тұрады.Қазір көпшілік халал дегеннің не екенін ұғып келеді. Бұл тек мұсылмандардың сұранысын қанағаттандырмайды, ол индустриялық дамуға үлесін қосып, әрбір адамның денсаулығы мен қоғамдық белсенділігіне тікелей әсерін тигізеді.

Осыдан біраз жылдар бұрын халал асханалар саусақпен санарлықтай болатын. Құдайға шүкір, жылдан-жылға олардың саны көбейіп келеді. Бүгінде қаламыз бойынша бірнеше «Халал» стандартына сай қоғамдық тамақтану орындары бар. Міне таяуда, Орбита 1 мөлтекауданында тағы бір Халал дәмхана ашылып, мұсылмандарды қуантты. Бір ауданға екі бірдей халал дәмхана ашылғаны, адал асқа деген сұраныстың артқанының айқын дәлелі. Халал ас шариғатқа сай болса, адал тамақ ішуге әркімнің хақысы бар.

Тотия Енсебаева Қарағанды облыстық орталық мешітінің баспасөз қызметі