Ислам діні тазалыққа ерекше мән берген. Қасиетті Құранда: «Сөзсіз, Алла Тағала тәубе еткендер мен тазаланғандарды сүйеді» (Бақара, 222) – деп, тазалықтың Алланың сүйіспеншілігіне лайық іс екені айтылған. Пайғамбарымыз (с.ғ.с.) да тазалықтың маңыздылығы жайлы: «Тазалық – иманның жартысы», тағы бір хадисінде: «Алла кіршіксіз таза, әрі тазалықты сүйеді» деп атап өткен. Қоршаған ортаның тазалығына мән беріп, көңіл аудару әрбір мұсылман баласының бұлтартпас борышы болып саналады. «Жұмыла көтерген жүк жеңіл» дегендей мешітте өткен игі шараға мешіт жамағаттары да атсалысты.