Тілдік нұсқа
Радио

мақала

Омарды (р.а.) жылатқан нәрсе
17 қаңтар, 2019 жыл 322 Басып шығару нұсқасы

 

Бізге жеткен хадистерде Мұхаммед пайғамбарымыздың (с.ғ.с.) жанында жүрген көптеген сахабалардың аттары нақты айтылып кеткен. Солардың ішінде он сахаба көзі тірісінде Жәннатпен сүйіншіленген. Солардың бірі Омар (р.а.).  Бұл сахаба туралы көптеген оқиғалар бар. Осы ретте Омар (р.а.) сахабаның басынан мынадай бір оқиға өтіпті. Омар (р.а.) жеке қалғанда сақалын ұстап тұрып: «О, Омар, Алладан қорық, Алладан қорық, әйтпесе саған оның азабынан құтылар жол жоқ!» дейді екен. Бір күні Омарға (р.а.) бір кедей келіп: «Менің әйелім мен балаларымды киіндірші, менде оған мүмкіндігім жоқ», - депті. Омар (р.а.): «Егер олай етпесем маған не болады?», - деп сұрапты. Сонда әлгі кісі: «Онда мен кетемін», - депті. Омар (р.а.): «Сосын не болады?», - десе, кедей кісі тұрып: «Сосын сен бұл үшін Қиямет күінде сұраласың», - деп жауап қатыпты. Бұны естіген Омар (р.а.) көзінен жасы ағып, Алладан қорыққаны сонша сақалдарына дейін су бола үй ішіне жүгіре кіріпті. Бірақ, ол кедейге берер еш зат таппай, әлгі кісінің алдына келіп үстіндегі жалғыз жамылғысын шешіп: «Осыны әйелің екеуің бөліп киіңдер», - деп екіге бөліп беріпті.

Міне, Омардың (р.а.) Аллаға деген құлшылығы қандай болған!

 

 Құлмағанбетов Нұржан Оңғарұлы

«Бала қажы» мешітінің наиб имамы

Пікірлер

Поле не должно быть пустым!
Комментарий отправлен на модерацию.
    бас мүфти блогы бас мүфти блогы

    Күнтізбе

    Жоғары