ҚМДБ-ның Қарағанды облыстық «Әнет баба» мешітінің әйел-қыздар жамағаты қаладағы балалар үйіне барып қайырымдылық шарасын жүзеге асырды.

Мешіт ұстазы Әйгерім Берікболқызының ұйымдастыруымен өткен игі шарада балаларға қуаныш тарту етіліп, жеткіншектерге ойыншықтар, киім-кешек, тәттілер мен жемістер таратылып, арнайы шақырылған аниматорлар балдырғандарға көтеріңкі көңіл-күй сыйлады. 

Балалармен әртүрлі ойындар ойнатылып, қуанышқа толы әсерлі сәттер жасалды.

Ардақты Пайғамбарымыздың (с.ғ.с.): «Менімен жетімге қамқорлық етуші адам жәннатта мына екі саусақ тәрізді жақын боламыз», – деп сұқ және ортаңғы саусағын көрсетуі де бұл істің абзал, әрі Алланың қош көрген салиқалы сүннет екендігін аңғартады.

Жамағаттың мұндай жанашырлығы – мейірімділік пен қамқорлықтың көрінісі.

 

ҚМДБ-ның Қарағанды облысы бойынша баспасөз қызметі