Қарағанды қалалық «Қазыбек би» мешітінің ұстазы Ажар Қыдырманқызының өткізуімен әйел-қыздар жамағатына арналған фиқһ пәні бойынша дәріс жалғасын табуда.

Дәріс барысында күнделікті өмірде жиі кездесетін шариғи мәселелер, ғибадаттарға қатысты үкімдер және діни сауатты арттырудың маңызы кеңінен түсіндірілді. Қатысушылар өздерін толғандырған сұрақтарын қойып, нақты әрі тұшымды жауаптар алды.

Аталған дәріс әйел жамағатының діни білімін тереңдетіп, рухани тәрбиесін нығайтуға бағытталды. Мұндай пайдалы дәрістер алдағы уақытта да тұрақты түрде жалғасын табады.