Қарағанды қалалық «Міржақып Дулатұлы» мешітінің имамы Жасұлан Манапұлы Шет аудандық «Жанқұтты би» мешітінің жамағатымен кездесіп, «Дұғаның қабыл болуы» тақырыбында насихат айтты.

Кездесу барысында имам дұғаның қабыл болу шарттары, ықылас пен сабырдың маңыздылығы жайлы кеңінен тоқталып, жамағатқа рухани тағылымды ойларымен бөлісті. Сонымен қатар, уақып қорының маңыздылығы, уақыптың мәні мен қоғамдағы орны туралы түсіндірме жұмыстары жүргізілді.

Айта кетейік, мұндай рухани кездесулер жамағаттың діни сауатын арттыруға және ізгі амалдарды кеңінен насихаттауға бағытталған.