Қарағанды қалалық «Бұқар Жырау» мешітінің наиб имамы Аманбол Рымқұлұлы «Ислам және адал қоғам» жылы аясында Қарағанды қаласындағы №2 Білім-инновация лицейінің директоры Қанат Егенбердиевтің Алғыс хатымен марапатталды.

Алғыс хат лицейдің қоғамдық және тәрбие жұмыстарына белсенді қатысып, өскелең ұрпақтың рухани-адамгершілік тәрбиесіне үлес қосқаны үшін табысталды.

Бұл марапат – дін қызметкерлері мен білім ордалары арасындағы өзара ынтымақтастықтың жарқын көрінісі. Жастардың саналы, адал әрі жауапты болып қалыптасуына бағытталған мұндай бірлескен жұмыстар алдағы уақытта да жалғасын таба бермек.