ҚМДБ-ның Қарағанды облыстық «Әнет баба» мешітінде алда келе жатқан қасиетті Рамазан айына рухани дайындық жасау мақсатында «Оразаға дейін атқарылуы тиіс 10 амал» тақырыбында рухани кеш ұйымдастырылды.

Берекелі кеш барысында Қарағанды облыстық «Әнет баба» мешітінің наиб имамы Данияр Ерікұлы жиналған қауымға «Ораза ұстаудың тәртібі», «Ауызашар берудің мәдениеті мен тәртібі» тақырыптарында тағылымды насихат айтты.

Кеш аясында ораза мен рамазан айына қатысты викториналық сұрақ-жауап ойыны өткізіліп, белсенді қатысушылар мен жеңімпаздарға ынталандыру сыйлықтары табысталды.

Сонымен қатар, рухани кеште Құран оқылып, ата-баба рухына дұға бағышталды.

ҚМДБ-ның Қарағанды облысы бойынша баспасөз қызметі