Қарағанды қалалық «Қазыбек би» мешітінің имамы Асылхан Нұртайұлының ұйымдастыруымен қасиетті Рамазан айына дайындық жұмыстарын пысықтау жиыны өтті.

Жиын барысында алда келе жатқан қасиетті айда атқарылатын рухани іс-шаралар, тарауық намазының ұйымдастырылуы, Құран хатымдары, уағыз-насихат дәрістері және қайырымдылық бағытындағы шаралар кеңінен талқыланды. Сонымен қатар жамағатқа қолайлы жағдай жасау, тәртіп пен тазалық мәселелері де назарға алынды.

Басқосу қорытындысында Рамазан айын жоғары деңгейде өткізу үшін нақты міндеттер белгіленіп, жауапты қызметкерлерге тапсырмалар жүктелді.