Қасиетті Рамазан айының алғашқы күнінде Қарағанды қалалық «Бала Қажы» мешітінде ұстаз Фархад Нұрланұлының жетекшілігімен «Дәуір» атты Құран алқасы ұйымдастырылды. Шәкірттермен бірге күн сайын таң намазынан кейін өткізілетін бұл шара жамағаттың Құран оқу мәдениетін арттыруға, тәжуид ережелерін жетілдіруге бағытталған.

Алқада қатысушылар кезекпен бір аяттан оқып, күн шыққанға дейін толық бір параны тәмамдайды. Оқу барысында ұстаз қателерді түзетіп, Құранды дұрыс әрі көркем оқудың қағидаларын түсіндіреді. Соңғы аятты оқыған қатысушы дұға жасап, жиын қорытындыланады.

Бұл рухани басқосу жамағаттың бірлігін нығайтып, қасиетті айдың тағылымын терең түсінуге жол ашады.