Қасиетті Рамазан айының құрметіне Қарағанды қалалық «Бала қажы» мешітінде ұстаз Фатима Аманболдықызының ұйымдастыруымен әйел-қыздар жамағаты арасында «Қош келдің Рамазан!» тақырыбында эссе сайысы өткізілді.

Сайысқа қатысқан қатысушылар өз ойлары мен сезімдерін қағаз бетіне түсіріп, қасиетті айдың мәні мен берекесін сипаттады. Бағдарламаның мақсаты – жамағаттың рухани білімін арттыру, жазушылық қабілеттерін дамыту және Рамазан айының тәрбиелік құндылығын насихаттау.

Шара барысында қатысушылардың бір-бірімен тәжірибе бөлісуіне және рухани құндылықтарды дәріптеуіне мүмкіндік берілді.