Қарағанды облысына қарасты Сұрыптау кенті «Қамзе ата» мешітінде қасиетті Рамазан айының алғашқы тарауық намазы оқылды.

Жамағатпен бірге құлшылық жасап, аймақ тұрғындарын рухани кешке ұйыстырған мешіт имамы Думан Қамариденұлы қасиетті айдың басталуымен құттықтап, барша мұсылман қауымына ізгі тілегін білдірді. Ол өз сөзінде Рамазан – сабыр мен шүкірдің, кешірім мен мейірімнің айы екенін атап өтіп, жамағатты ауызбіршілік пен сауапты істерге шақырды.

Алғашқы тарауық намазына жиналған қауым ерекше рухани әсер алып, қасиетті айды зор қуанышпен қарсы алды.