Қасиетті Рамазан айының құрметіне орай Қарағанды қалалық «Қазыбек би» мешітінің имамы Асылхан Нұртайұлының ұйымдастыруымен алғашқы ауызашар дастарханы жайылды.

Берекелі дастархан барысында мешіт имамы Құран аяттарын оқып, ауызашар беруші жандардың отбасы мен ата-баба рухтарына Құран бағыштап, арнайы дұға жасады. Жиналған жамағат қасиетті айдың шапағатын сезініп, ізгі тілектерін білдірді.

Айта кетейік, ауызашар дастарханы бір ай бойы жалғасып, мешіт жамағаты үшін рухани басқосу алаңына айналмақ.