Қарағанды қалалық «Ар-Рахман» мешітінде «Бір айда бір кітап» рухани-ағартушылық жобасы шеңберінде «Ислам әдептерінің энциклопедиясы» кітабы бойынша жүйелі оқу дәрістері ұйымдастырылды.

Аталған іс-шараның негізгі мақсаты – жамағат арасында ислам әдебі мен көркем мінез-құлық қағидаларын кеңінен насихаттау, сондай-ақ күнделікті өмірде мұсылмандық әдеп нормаларын ұстанудың маңызын ғылыми-танымдық тұрғыда түсіндіру болып табылады.

Дәрістер барысында еңбекте қамтылған әдеп категориялары, адамгершілік құндылықтар және олардың қоғамдағы орны жан-жақты талданып, қатысушылардың діни-танымдық деңгейін арттыруға бағытталған мазмұнды түсіндіру жұмыстары жүргізілді.

Бұл жоба мешіттің ағартушылық қызметін жүйелеуге, жамағаттың рухани мәдениетін нығайтуға және дәстүрлі ислам құндылықтарын кеңінен дәріптеуге негізделген тұрақты бастамалардың бірі болып табылады.