Теміртау қаласына қарасты Ақтау кентінде қасиетті Рамазан айының алғашқы тарауық намазы оқылды.

Жамағат қасиетті айды ерекше ықыласпен қарсы алып, тарауық намазын өткізетін қари таныстырылды. Сонымен қатар мешітте алғашқы ауызашар дастарханы жайылып, жиналған қауымға Құран оқылып, дұға жасалды.

Рамазан айындағы мұндай рухани басқосулар ел арасындағы бірлік пен бауырмалдықты арттыра түсетіні сөзсіз. Алла Тағала қасиетті айдағы құлшылықтарымызды қабыл етсін!