Қарағанды қалалық «Төлеутай ата» мешітінің имамы Рауан Төлеубекұлының ұйымдастыруымен қасиетті Рамазан айының алғашқы ауызашар дастарханы жайылды.

Ауызашарға жиналған мешіт жамағатына арнайы ас беріліп, берекелі айдың қадір-қасиеті жайлы тағылымды уағыз-насихат айтылды. Имам Рамазан айының сабыр, шүкір, кешірім мен мейірім айы екенін атап өтіп, жамағатты ізгі амалдар жасауға, мұқтаж жандарға қолдау көрсетуге шақырды.

Кеш барысында жамағат бір-біріне ізгі тілектерін арнап, рухани атмосферада ауыз ашты. Алғашқы ауызашар осылайша береке мен бірлікке толы кешке ұласты.