Абай аудандық орталық мешітінде «Бір айда бір кітап» жобасы аясында «Ислам әдептерінің энциклопедиясы» тақырыбында тағылымды дәріс өтті.

Дәрісті мешіттің наиб имамы Есбол Оңалұлы жүргізіп, ислам әдебі, көркем мінез-құлық, мұсылманның күнделікті өмірдегі қарым-қатынасы мен жауапкершілігі жайында кеңінен түсіндірді.

Шара барысында жамағат көкейлеріндегі сұрақтарын қойып, рухани білімдерін толықтыруға мүмкіндік алды. Жоба аясындағы мұндай дәрістер мешіт жамағатының діни сауатын арттырып, рухани кемелденуіне ықпал етуде.