Абай аудандық орталық мешітінде «Жастар және жасанды интеллект» тақырыбында мешіт жастарына арналған тағылымды дәріс өтті.

Дәрісті мешіттің наиб имамы Есбол Оңалұлы жүргізіп, заманауи технологиялардың қоғам өміріндегі орны, жасанды интеллекттің мүмкіндіктері мен қауіптері, сондай-ақ жастардың цифрлық кеңістіктегі жауапкершілігі туралы кеңінен баяндады.

Кездесу барысында дін мен ғылымның үндестігі, технологияны игі мақсатта пайдалану, уақытты тиімді басқару мәселелері қозғалып, жастарға пайдалы кеңестер берілді. Шара соңында қатысушылар өз ойларымен бөлісіп, сұрақ-жауап форматында пікір алмасты.