Қарағанды қалалық «Қазыбек би» мешітінің имамы Асылхан Нұртайұлының ұйымдастыруымен тарауық намазынан кейін мешітке келушілерге арналған «Тегін такси» қайырымдылық акциясы өтті.

Іс-шара барысында мешітке келген жамағат, әсіресе қарттар мен алыста тұратын тұрғындар үйлеріне тегін тасымалданды. Акция Рамазан айындағы мейірімділік пен қайырымдылықты насихаттауға бағытталған. Мешіт имамы акцияның мақсаты – жамағатқа қолайлы жағдай жасау, ораза ұстайтындарға көмек көрсету екенін атап өтті.

Қатысушылар ұйымдастырушыларға алғыстарын білдіріп, осындай игі шаралардың қоғамдағы бірлік пен мейірімділікті арттыратынын атап өтті. Акция мешіттің қоғамдағы әлеуметтік жауапкершілігін көрсететін маңызды бастама ретінде есте қалды.