Қарағанды қалалық «Ар-Рахман» мешітінде ҚМДБ-ның «Зекет және қайырымдылық» бағыты аясында қасиетті Рамазан айының берекесіне орай қайырымдылық іс-шарасы ұйымдастырылды.

Аталған шара мешіт имамының ұйымдастыруымен және жергілікті жамағаттың демеушілігімен жүзеге асырылды. Іс-шара барысында әлеуметтік қолдауды қажет ететін отбасыларға азық-түлік себеттері мен тұрмыстық қажеттіліктер түрінде көмек көрсетілді.

Бастаманың негізгі мақсаты – Рамазан айында қоғамдағы өзара жанашырлық пен бауырмалдықты нығайту, мұқтаж жандарға қолдау білдіру және қайырымдылық мәдениетін дамыту болып табылады.

Бұл игі шара мешіттің әлеуметтік-рухани бағыттағы жүйелі қызметінің бір бөлігі ретінде жүзеге асырылып, жамағаттың ауызбіршілігі мен жауапкершілік сезімін арттыруға үлес қосты.