Қарағанды облысы, Саран қалалық мешітінде әйел-қыздар жамағатына арналған «Рамазан – адал қоғамды қалыптастыру айы» тақырыбында тағылымды семинар ұйымдастырылды. Іс-шараның басты мақсаты – қасиетті айдың рухани маңызын түсіндіру, қоғамдағы адалдық, жауапкершілік және көркем мінез құндылықтарын насихаттау болды.

Семинар барысында Рамазан айының адам тәрбиесіндегі орны, нәпсіні тыю, сабыр сақтау, шынайылық пен жанашырлық қасиеттерін дамыту жайында кеңінен айтылды. Қатысушыларға оразаның тек аш жүру емес, тіл мен жүректі, ой мен іс-әрекетті де тазартуға бағытталған ғибадат екені түсіндірілді.