Қарағанды облысына қарасты Саран қалалық мешітінде жамағатқа арналған «Намаз оқып үйрену» атты арнайы курс басталды. Аталған курс – тұрғындардың діни сауатын арттыруға және намаз оқу тәртібін дұрыс меңгеруге бағытталған игі бастама.

Сабақ барысында қатысушыларға дәрет алу тәртібі, намаздың парыздары мен уәжіптері, сүннеттері, сондай-ақ күнделікті оқылатын сүрелер мен дұғалар үйретіледі. Тәжірибелік сабақтар арқылы әрбір адам намазды дұрыс әрі сенімді түрде оқуды меңгере алады.