Қарағанды облысына қарасты Саран қалалық мешітінде қасиетті Рамазан айына орай «30 күнге 30 уағыз» атты рухани бастама жүзеге асырылуда. Аталған жоба аясында тарауих намазының алдында күн сайын жамағатқа тағылымды уағыз-насихат айтылады.

Уағыз барысында имандылық, сабыр, шүкіршілік, ата-анаға құрмет, көркем мінез, ауызбіршілік секілді маңызды тақырыптар кеңінен қозғалады. Сонымен қатар оразаның қадір-қасиеті мен Рамазан айының артықшылықтары түсіндіріліп, мұсылман баласының бұл айда атқаруы тиіс амалдары насихатталады.