Рамазан айының берекелі күндерінде Шахтинск қалалық «Нұр» мешіті жанынан құрылған «еріктілер тобы» игі істің үлгісін көрсетті. Қасиетті айдың рухына сай, ерікті жастар қала көшелерінде жүріп, тұрғындарға ауыз ашарға су мен құрма үлестірді.

Бұл шараның негізгі мақсаты – ораза ұстаған жандарға қолдау көрсету, қоғамда мейірімділік пен бауырмалдықты нығайту, сондай-ақ Рамазан айының рухани атмосферасын сезіндіру. Еріктілер тобының бұл бастамасы қала тұрғындарының ыстық ықыласына бөленіп, көпшіліктің ризашылығын тудырды.

Мешіт ұжымы мұндай қайырымды істер алдағы уақытта да жалғасын табатынын айтып, жамағатты игі амалдарда бірлікке, ынтымаққа шақырды. Рамазан – тек құлшылық айы ғана емес, сонымен қатар адамгершілік, қайырымдылық пен өзара көмектің айы екені осындай іс-шаралар арқылы айқын көрініс табуда.