Абай ауданына қарасты Құлайғыр ауылдық мешітінде қасиетті Рамазан айында қайырымдылық шарасын ұйымдастырды.

Игі бастама аясында әлеуметтік көмекке мұқтаж отбасыларға «Рамазан сыйы» үлестірілді. Азық-түлік себеттері табысталып, тұрмысы төмен жанұяларға рухани әрі материалдық қолдау көрсетілді.

Шараның басты мақсаты – ұлық айда мұқтаж жандарға демеу болып, қоғамда мейірімділік пен жанашырлық құндылықтарын нығайту. Ауыл тұрғындары қайырымдылық акциясына атсалысқан жамағатқа алғыстарын білдірді.