Қарағанды қалалық «Төлеутай ата» мешітінің имамы Рауан Төлеубекұлының ұйымдастыруымен қасиетті Рамазан айының құрметіне «Бір күнде бір мұқтажға көмек» атты қайырымдылық акциясы өткізілді.

Іс-шара барысында әлеуметтік жағдайы төмен отбасыларға азық-түлік пакеттері үлестіріліп, олардың тұрмыстық қажеттіліктеріне қолдау көрсетілді. Мешіт ұжымы мен еріктілер акцияға қатысып, жамағатқа қайырымдылық жасау арқылы қоғамдағы мейірімділік пен қамқорлықты насихаттау мақсатын алға қойды.

Қарағанды қалалық «Төлеутай ата» мешіті алдағы уақытта да мұқтаж жандарға қолдау көрсету және қайырымдылық іс-шараларын ұйымдастыруды жоспарлап отыр.